ბლოგი

გთხოვთ, გამოაგზავნოთ CV შემდეგ ელექტრონულ მისამართზე: hr@kani.ge

სათაურის ველში მიუთითეთ ვაკანსიის დასახელება “ექიმი დერმატო-ვენეროლოგი.”

** ვაკანტურ პოზიციაზე განიხილებიან ახალგაზრდა ექიმები და რეზიდენტები.

თმის ცვენის მკურნალობა საკმაოდ კომპლექსური პროცესია. პრობლემის მედიკამენტოზური გზით მკურნალობა შესაძლოა პაციენტისთვის სასურველი შედეგის მომტანი არ აღმოჩნდეს. ამის გამო პაციენტები უფრო და უფრო ხშირად ინტერესდებიან თმის გადანერგვის პროცედურით.

დღესდღეობით ტექნოლოგიურმა განვითარებამ თმის გადანერგვა ბევრად უფრო ხელმისაწვდომი და ეფექტური გახადა. მსოფლიო ბაზარზე მრავალი მიდგომა არსებობს, თუმცა მათგან ყველაზე პოპულარული DHI და FUE მეთოდებია. მიუხედავად მათ შორის არსებული განსხვავებისა, ორივე ტიპის გადანერგვის პროცესი თმის ერთი არედან მეორე ზონაში გადატანის პრინციპს ეყრდნობა. 

მრავალპროფილური კლინიკა “კანი” მომხმარებელს გადანერგვის უმტკივნეულო, სწრაფ და ეფექტურ სერვისს სთავაზობს. პაციენტის კონსულტაციისას FotoFinder-ის აპარატურას ვიყენებთ, რომელიც ხელოვნური ინტელექტითაა აღჭურვილი და მაღალი გარჩევადობით ხასიათდება. ის თმის ღერის სტრუქტურის შესასწავლად და სხეულის მთლიანი რუკის შესადგენად გამოიყენება. ამასთან ერთად, მას ესთეტიკურ დერმატოლოგიაში იყენებენ. 

თმის ცვენის გავლენა ადამიანის თვითშეფასებაზე

თმა ახალგაზრდობისა და ჯანმრთელობის სიმბოლოდ მიიჩნევა, მისი დაკარგვა კი მნიშვნელოვან გავლენას ახდენს ადამიანის თავდაჯერებულობასა და ცხოვრების ხარისხზე. 

თმის ცვენა შესაძლოა დაკავშირებული იყოს შფოთვის სიმპტომების გაჩენასთან. ხშირად ადამიანები თავს არიდებენ სოციალურ ინტერაქციას და საკუთარ თავს იზოლაციაში აქცევენ. ეს კი, თავის მხრივ, აზიანებს მათ ურთიერთობას მეგობრებთან, პარტნიორებთან და ოჯახის წევრებთან. 

ტრადიციული DHI მეთოდი

DHI (Direct Hair Implantation) გადანერგვის მეთოდია, რომელის დროსაც სადონორო არედან თმის ფოლიკულს სათითაოდ იღებენ და მიმღებ არეში პირდაპირ ათავსებენ. პროცედურა მიმდინარეობს Choi-ს სპეციალიზებული კალმით.

აღსანიშნავია, რომ choi-ს სპეციალური კალმით ხდება  ორი პროცედურის გაერთიანება. პირველი, მიკრო ხვრელის ფორმირება,  ანუ ახალი არხის გახსნა და მეორე ფოლიკულური ჯგუფის ჩასმა . ეს პროცესი გაერთიანებულია და ერთდროულად ხდება.

ეს ტექნიკა ქირურგს საშუალებას აძლევს სკალპის გამელოტებულ არეში ზუსტად განათავსოს გრაფტი. მეთოდი განსაკუთრებით საინტერესოა მათთვის, ვისაც თმის აღდგენა ნაწიბურებისა და ტრავმის გარეშე სურს.

DHI გადანერგვისას პაციენტს არ სჭირდება თავის გადაპარსვა. პროცედურა არის უსაფრთხო და უმტკივნეულო, არ ტოვებს დონორ არეში ნაიარევებსა და ნაწიბურებს. 

ეს მეთოდი ნაკლებად ტრავმულად მიიჩნევა, რადგან თმის ფოლიკულს მყისიერად  ათავსებენ მიმღებ არეში, ეს კი ღერის სიცოცხლისუნარიანობას მნიშვნელოვნად ზრდის. 

აღსანიშნავია, რომ გადანერგვის DHI მეთოდი კლინიკა “კანშიც” არის დანერგილი. ეფექტურად ჩატარებული პროცედურა ძველებურ თავდაჯერებულობასა და ცხოვრების ხალისს დაგიბრუნებთ.

თმის გადანერგვის FUE მეთოდი

თმის გადანერგვის უახლოესი მეთოდი - FUE (Follicular Unit Extraction) - სადონორო არედან ფოლიკულების ინდივიდუალურ ამოღებასა და მის სასურველ არეში გადატანას გულისხმობს. 

იმისთვის, რომ სასურველ ზონაში გრაფტები განთავსდეს, გამელოტებულ ნაწილში ახალი არხი იხსნება და მიკრო ხვრელი ფორმირდება. ამ მინიმალურად ინვაზიურ პროცედურას საკმაოდ დიდი სივრცის დაფარვა შეუძლია. ეს მეთოდი განსაკუთრებით ეფექტურია ძლიერი ცვენის სამკურნალოდ. 

როგორ შევარჩიოთ თმის გადანერგვის მეთოდი?

თმის გადანერგვის მეთოდების შერჩევისას საჭიროა გათვალისწინებული იქნას რიგი ფაქტორები, კერძოდ, ცვენის ტიპი და გამომწვევი მიზეზი, პაციენტის სქესი, თმის სიგრძე და სხვა ჯანმრთელობის პრობლემები, რომლებმაც შეიძლება პროცედურაზე გავლენა მოახდინოს. 

აუცილებლად გაითვალისწინეთ, რომ მეთოდის  შერჩევამდე საჭიროა პროფესიონალ ტრიქოლოგთან კონსულტაცია, რომელიც თმის გადანერგვის ეფექტური მეთოდის შერჩევაში დაგეხმარებათ. 

კაცებში ანდროგენული თმის ცვენისას, შეთხელების პროცესი შუბლის ხაზიდან, ე.წ. წინა სამკუთხედებიდან იწყება და ასევე გვირგვინის არედანაც  შეიძლება დაიწყოს.  ამ დროს სწორედ ფოლიკულური ერთეულის ექსტრაქციაა პოპულარული გამოსავალი. 

ქალებში კი ხშირია დიფუზური თმის ცვენა. ასეთი პრობლემის გადაჭრის საუკეთესო გზა კი თმის პირდაპირი იმპლანტაციაა (DHI).

ქალ პაციენტებში ხშირად გამოიყენება გრძელი თმის გადანერგვა. ამ მეთოდის უნიკალურობა იმაში მდგომარეობს, რომ პაციენტს პროცედურის დასრულებისთანავე შეუძლია დაინახოს შედეგი და წინასწარ განსაზღვროს თმის სიხშირე დამაკმაყოფილებელია თუ არა მისთვის. 

გრძელი თმის გადანერგვის მთავარი უპირატესობა შედარებით შეუმჩნეველი და უმტკივნეულო პოსტოპერაციული პერიოდია, რაც განსაკუთრებით ხელსაყრელია დატვირთული რეჟიმის მქონე ადამიანებისთვის. 

თმის გადანერგვა საქართველოში 

თმის გადანერგვა ქართულ ბაზარზე 2000-იან წლებში გახდა ხელმისაწვდომი, სერვისს კი მალევე გამოუჩნდა მომხმარებელი. დღესდღეობით ამ მიმართულებით სპეციალიზებული რამდენიმე  კლინიკა არსებობს. ისინი მომხმარებელს როგორც ტრიქოლოგის, ისე ქირურგის კონსულტაციას სთავაზობენ. 

კლინიკა “კანი” მომხმარებელს გადანერგვის მაღალი ხარისხის სერვისს სთავაზობს. ჩვენი სამედიცინო ცენტრი აღჭურვილია გერმანული FotoFinder აპარატურით, რომელიც მასში ჩაშენებული ხელოვნური ინტელექტის გამოყენებით, ზუსტად ასკანერებს თმის ღერს, ადგენს მის სტრუქტურასა და დაწვრილებით შეისწავლის თმის ფოლიკულის ტიპს.

თმის ცვენის პრობლემის დიაგნოსტიკაში კლინიკის ტრიქოლოგები იყენებენ Tricho LAB-ის უახლოეს სადიაგნოსტიკო პროგრამას, რომელიც საშუალებას იძლევა მაქსიმალური სიზუსტით დადგინდეს ცვენის გართულების მიზეზები.

ადგილობრივ სპეციალისტებთან ერთად, ჩვენს კლინიკაში გადანერგვის ოპერაციას თურქეთის საუკეთესო კლინიკებიდან მოწვეული პროფესიონალები ატარებენ. 

კლინიკა “კანში” თმის გადანერგვის ფასი ტრიქოლოგთან ინდივიდუალური კონსულტაციის შემდეგ განისაზღვრება. აქვე აღვნიშნავთ, რომ თითოეულ პაციენტს შეუძლია განვადებით სარგებლობა.

“კანის” მთავარი ღირებულება პაციენტებისთვის ხარისხიანი და ინდივიდუალურ საჭიროებებზე მორგებული სერვისის მიწოდებაა. სწორედ ამიტომ,  კლინიკა ყველა მომხმარებლის მოთხოვნას განსაკუთრებულ ყურადღებას უთმობს. 

თუ გაქვთ რაიმე ტიპის კუჭ-ნაწლავის დაავადება, სასურველია პროქტოლოგის პარალელურად ექიმთან შეთანხმებით გასტროენტეროლოგის კონსულტაცია განიხილოთ, რათა დაავადების მკურნალობამ ეფექტურად ჩაიაროს. 

განსაკუთრებული სიფრთხილე გამოიჩინეთ თუ გაქვთ დიაბეტი. ნუ მიმართავთ თვითმკურნალობის მეთოდებს. 

აუცილებლად ჩართეთ ექიმი-პოდოლოგი რომ თავიდან აირიდოთ ჭრილობების მოშუშებასთან დაკავშირებული სირთულეები. პოდოლოგიური პროცედურები მარტო სამკურნალო მიზნით არ გამოიყენება, ისინი საუკეთესო საშუალებებია დიაბეტურ ტერფთან დაკავშირებული გართულებების, წყლულების, კოჟრების და ფრჩხილების დაზიანებების თავიდან არიდებისთვის.

შემოდგომა - ზამთრის პერიოდი გარდა იმისა რომ დაავადების პროვოცირებას ახდენს, ასევე საუკეთესო დროა - მოიწესრიგოთ ფეხები და ზაფხულს მოვლილი, ჯანმრთელი ფრჩხილებით შეხვდეთ.

ხშირად ნახავთ ფოტოებს ფერადკანიანი მოდელის, რომელსაც სხეულის სხვადასხვა ნაწილებში თეთრი ლაქები აქვს ეს ვიტილიგოა, მდგომარეობა, რომელიც იწვევს კანის ნაწილების დეპიგმენტაციას. ეს ხდება იმ შემთხვევაში, როცა კანის პიგმენტური უჯრედები იღუპება ან ვერ ფუნქციონირებს.
 
ეს შესაძლოა სხეულის ნებისმიერ ადგილას განვითარდეს, მათ შორის ისეთ ნაწილებზეც, რომელზეც მზის სხივები ხშირად ხვდება, მაგალითად, ხელებზე, ფეხებზე, სახეზე და ისეთებზეც, როგორიც ნესტოები ან ყურის შიდა ნაწილებია.

 კანის ქრონიკული დაავადება განაჩენი არ არის

ამ სტატიაში ვიტილიგოს შესახებ სხვადასხვა ფაქტს გაგაცნობთ, რათა ერთად დავამარცხოთ გავრცელებული მითები. 

7 ფაქტი ვიტილიგოს შესახებ

მითი : ვიტილიგო "კოსმეტიკური" პრობლემაა

ფაქტი: ვიტილიგო ავტოიმუნური დარღვევაა, რადგან მარტივად რომ ვთქვათ, სხეული საკუთარ უჯრედებს "თავს ესხმის". ასევე, ცნობილია, რომ იმ ადამიანების 20%-ს რომელთაც ვიტილიგო აქვს, კიდევ ერთი სხვა ავტოიმუნური დაავადებაც აქვთ. მათ შორისაა სკლეროდერმა — კანისა და შემაერთებელი ქსოვილების გამაგრება და სიმჭიდროვე და სხვა.

მითი: ვიტილიგო გადამდებია.

ფაქტი: მართალია, ვიტილიგო სხეულის ნებისმიერ წერტილში შეიძლება გამოვლინდეს, თუმცა ის არც გადამდები და არც ინფექციური.

მითი: ვიტილიგო არ არის გავრცელებული ყველა რასის წარმომადგენლებში.

ფაქტი: მსოფლიოში ნებისმიერი რასისა, ეთნოსის თუ სქესის წარმომადგენელს შესაძლოა განუვითარდეს ვიტილიგო; ამასთან, ეს შეიძლება უფრო შესამჩნევი იყოს მუქი ფერის კანის მქონე ადამიანებში.

მითი: არსებობს ცრურწმენა ვიტილიგოს გამომწვევი მიზეზის შესახებ. ზოგიერთს სჯერა, რომ ეს გამოწვეულია დეზოდორანტით ან კონკრეტული საკვებით.

ფაქტი: დაავადება ხასიათდება კანზე თეთრი ლაქების წარმოქმნით .ეს განპირობებულია პიგმენტ მელანინის გაქრობით რომელიც როგორც წესი, თანაბრად არის განაწილებული კანის ზედაპირზე. ერთი კონკრეტული მიზეზი არ არსებობს. შესაძლებელია ამ დაავადების დროს სხვა აუტოიმუნური პროცესებიც იყოს ორგანიზმში,მეცნიერები მიიჩნევენ, რომ მისი მაპროვოცირებელი ფაქტორი სტრესიც შეიძლება იყოს, ამიტომ ზუსტი და დროული დიაგნოსტირებაა საჭირო.

მითი: ვიტილიგო იწვევს ფიზიკურ გართულებას.

ფაქტი: როგორც წესი, ვიტილიგოს თან არ ახლავს რაიმე ფიზიკური გართულება. ის მხოლოდ და მხოლოდ ზრდის მზისგან დამწვრობის რისკებს. თავის ასარიდებლად კი მზისგან დამცავი კრემების გამოყენება აუცილებელია.

მითი: ვიტილიგო გამოწვეულია საკვებით.

ზოგი თვლის, რომ მდგომარეობა გამოწვეულია რძის ან სხვა თეთრი საკვების მიღებით. სხვები თვლიან, რომ მჟავე საკვების მიღება, როგორიცაა ლიმონი და ფორთოხალი, ზრდის მის გავრცელებას. ასევე არსებობს ერთი განსაკუთრებით გავრცელებული მითი, რომ თევზის მიღებიდან ცოტა ხნის შემდეგ რძის მიღება იწვევს დაავადებას.

ფაქტი: ვიტილიგო არის ავტოიმუნური დაავადება, რომელსაც პირდაპირი კავშირი არ აქვს საკვებთან და ეს არ არის გამოწვეული საკვების არასწორი კომბინაციის მიღებით.

მითი: ვიტილიგო დაკავშირებულია კანის სხვა დაავადებებთან, როგორიცაა კანის კიბო, კეთრი და ალბინიზმი.

ფაქტი: ვიტილიგო არის აბსოლუტურად ცალკე მდგომი დაავადება და არ არის დაკავშირებული კანის კიბოს, კეთრის ან ალბინიზმთან. ალბინიზმის მქონე პირები იბადებიან მელანინის მცირე რაოდენობით ან საერთოდ არ აქვთ, მაშინ როდესაც ვიტილიგო იწყება მელანოციტების განადგურებისას და ის იშვიათად მოიცავს მთელს სხეულს. მნიშვნელოვანია მიაღწიოთ სწორ დიაგნოზს და არ დაუშვათ შეცდომა ერთი აშლილობისას სხვაზე, რის გამოც ეჭვის არსებობისას ყოველთვის უნდა მიმართოთ დერმატოლოგს.

მითი: დაავადების მართვა შეუძლებელია.

ფაქტი: დავადების მართვა შესაძლებელია თუმცა, ის დამოკიდებულია მდგომარეობის სიმწვავეზე, ლაქების ადგილმდებარეობასა და ზომაზე, მათ რაოდენობაზე, სიხშირესა და იმაზე, თუ როგორ რეაგირებს ორგანიზმი მკურნალობაზე.

აქედან გამომდინარე, სამედიცინო პრაქტიკაში სხივური თერაპია არის თანამედროვე, სრულიად უსაფრთხო, კლინიკურად დამტკიცებული, მაღალეფექტური მეთოდი.მკურნალობა ამცირებს დაავადების გავრცელების და ახალი კერების წარმოქმნის რისკს და ნაწილობრივ აქრობს არსებულ პრობლემას.

შევარჩიოთ პროფესიონალი ესთეტიკური დერმატოლოგი.

ხელმისაწვდომ ფასად აღმოჩენილი პროცედურა ხშირ შემთხვევაში უხარისხო, უშედეგო ან/და ჯანმრთელობისთვის საზიანოა. ყურადღება მიაქციეთ თქვენ მიერ არჩეული სპეციალისტის კაბინეტს, სანიტარიას და სერთიფიკატებს. მნიშვნელოვანია ანდოთ თქვენი სილამაზე და ჯანმრთელობა მხოლოდ გამოცდილ, პროფესიონალ ესთეტიკური დერმატოლოგიის სპეციალისტებს რომლებიც იყენებენ მხოლოდ სერტიფიცირებულ უმაღლესი ხარისხის პრეპარატებს.

მოვერიდოთ სალონში სტუმრობას.
არ გარისკოთ, საეჭვო დაწესებულებებთან თუ სპეციალისტებთან ვიზიტი. პროცედურა აუცილებელად უნდა შესრულდეს პროფესიონალი ესთეტიკური დერმატოლოგის მიერ რათა თქვენი ჯანმრთელობას საფრთხე არ შეექმნას.

შევიქმნათ სწორი მოლოდინი 

მშიშვნელოვანია შევიქმნათ სწორი მოლოდინი და გვესმოდეს რისი მიღწევა გვსურს. მაგალითისთვის, თუ გვსურს ჩვენი კანი გამოიყურებოდეს გაბრწყინებული და განახლებული, შეგვიძლია წელიწადში ერთი პროცედურის ჩატარება.თუ გვსურს ნაოჭების და სახვითი ხაზების გაუმჯობესება და შენარჩუნება, წელიწადში ორი ან სამი პროცედურა შეიძლება გახდეს საჭირო.

 

პროცედურის წინ გასათვალისწინებელი რჩევები

• კრიტიკულია, რომ არ მოვიხმაროთ ალკოჰოლი ბოტოქსის ინექციამდე მინიმუმ 24 საათის განმავლობაში.
• მოვერიდოთ მედიკამეტებს, რომლებიც ათხელებენ სისხლს
• მოვერიდოთ ცვილისა და ლაზერის გამოყენებას იმ ადგილებში  სადაც უნდა გაკეთდეს ინექცია.
• ასევე, არ არის რეკომენდირებული დაბერების საწინააღმდეგო პროდუქტების გამოყენება, რომლებიც შეიცავენ ნივთიერებებს - რეტინოლი, გლიკოლიდმჟავა და ალფაქსიდი.
• გარდა ამისა, უნდა დავრწმუნდით, რომ პროცედურის დღეს არ ვატარებთ მაკიაჟს და ვართ დანაყრებული, წინააღმდეგ შემთხვევაში შეიძლება ვიგრძნოთ თავბრუსხვევა პროცედურის დროს.  

პროცედურის შემდგომ გასათვალისწინებელი რჩევები

• 24 საათის განმავლობაში არ არის სასურველი ინიცირებულ ზონაზე, შეხება, მასაჟი ან რაიმე ტიპის ზემოქმედება, რადგან შეიძლება ბოტულინოტოქსინმა სხვა კუნთებზე გადაინაცვლოს და გაიფანტოს.
• უნდა მოერიდოთსიმძიმეების აწევას, ძალისხმიერ და აქტიურ ვარჯიშს.  
• პროცედურის დასრულების შემდეგ ოთხი საათის განმავლობაში არ უნდა დაწვეთ, რათა ბოტულინოტოქსინმა სხვა კუნთებზე გადაინაცვლოს და გაიფანტოს.
• პარარელურად ნუ ჩავიტარებთ სხვა პროცედურებს მიკროდერმაბრაზიას, სახის ქიმიურ წმენდას, ბოტოქსის გაკეთების
• მორიდეთ მზეს, მანან, სანამ სიწითლე ან შეშუპება არ ჩაქრება.
• ცივის დადება დაგეხმარებათ შეამციროთ შეშუპება, მაგრამ მნიშვნელოვანია, რომ თავიდან ავიცილოთ დიდი ძალით ზემოქმედება, პროცედურის შემდგომი რამდენიმე დღე, წარმატების უზრუნველსაყოფად.
• პროცედურის დასრულების შემდეგ დაახლოებით ერთი კვირაა საჭირო საბოლოო ეფექტის მისაღებად.

მკურნალობის დაწყებამდე კლინიკა „კანი ესთეტიკიში“ ტარდება კონსულტაცია 3 განზომილებიანი ხელოვნური ინტელექტის მქონე აპარატურით კონსულტაცია და დიაგნოსტიკა,  რის შემდგომაც ჩვენი ესთეტიკური დერმატოლოგები  შეარჩევენ რამდენი პროცედურის ჩატარებაა თქვენთვის მიზანშეწონილი. პროცედურების რაოდენობა და ტიპი არის ინდივიდუალური და დამოკიდებულია კანის მდგომარეობაზე.
 

მეზოთერაპია კანისა და კანქვეშა ქსოვილების პრობლემებისა და დეფექტების მკურნალობის გზით გაახალგაზრდავების ერთ-ერთი საუკეთესო საშუალებაა. 

მეზოთერაპიის ძირითადი ზონებია:

• ტუჩის ირგვლივ არე;
• თმა;
• კისერი;
• თვალის ირგვლივ არე;
• ნიკაპი;
• ღაბაბი;
• წარბები;
• შუბლი;
• ცხვირი და ცხვირტუჩის მიდამო;
• მუცელი;
• თეძო და დუნდულო;
• დეკოლტეს ზონა;
• ზურგი;
   

რას მკურნალობს მეზოთერაპია?

მეზოთერაპია შეუცვლელი და აუცილებელი პროცედურაა, რომელიც ცხოვრების ხარისხს მნიშვნელოვნად ამაღლებს და გვაძლევს საშუალებას მოვაგვაროთ რიგი დეფეტები, რომელიც ხელს გვიშლის ჩვენს ყოველდღიურ ცხოვრებაში სრულფასოვანი და თავდაჯარებული ყოფისთვის.

ცელულიტი

მეზოკოქტეილი შლის ლოკალურ ცხიმოვან ფენებს და აგლუვებს რელიეფს, ამასთან ახდენს მის ლიფტინგს, რის შედეგადაც ხდება „ფორთოხლის ცედრის" ეფექტის მოცილება.
გამონაყარი:
მეზოთერაპიიული კოქტეილების შემადგენლობაში არის ანტიბაქტერიული და სპეციალურად გამონაყარის საწინააღმდეგო კომპონენტები, რომლების ებრძვიან გამონაყარის გამომწვევ ბაქტერიებს. პარალელურად ხდება რეგენერაციის პროცესის აქტივირება, რის შედეგადაც კანი ხდება ჯანსახი და გლუვი.

თმა

მეზოთერაპია პრაქტიკულად შეუცვლელი პროცედურაა თმის ცვენის, ალოპელაციის, გამელოტების წინააღმდეგ. პროცედურა ანორმალიზებს თმის კანის ჯირკვლების მუშაობას და აქტივიზირებს ააქტიურებს თმის ზრის პროცესს, ამაგრებს თმის ბოლქვებს. შესაბამისად პროეცედურა ეფექტურია არა მარტო თმის ცვენის, არამედ გამელოტების წინააღმდეგ (თუკი თავის კანზე შენარჩუნებულია თმის ფოლიკულები).
მეზოთერაპია განსაკუთრებით აუცილებელი და საჭირო პროცედურაა:

• გვეხმარება მნიშვნელოვნად შევამციროთ თმის ცვენა;
• ასტიმულირებს თმის ბოლქვების ზრდას;
• თმა ხდება ხშირი და მბზინვარე;
• ეფექტურია ქერტლის საწინააღმდეგოდ;
• აძლიერებს დასუსტებულ თმის ღერს;
• აუმჯობესებს თავის კანის სისხლმომარაგებას;
• ხელს უწყობს ახალი თმის ამოსვლას.

კლინიკა „კანი ესთეტიკში" დანერგილია თმის ცვენის საწინააღმდეგო სპეციალური კომპლექსური მიდგომა, რომელიც მოიცავს 5 პროცედურას - პლაზმოთერაპიის, მეზოთერაპიისა და სხვა სპეციალური კოქტეილების ერთობლიობას, რომელიც მნიშვნელოვნად აუმჯობესებს თმის სტრუქტურას და ზემოთ ჩამოთვლილ პრობლემებს.

ნაწიბური

მეზოკოქტეილი მიზანმიმარტულად ახდენს ნაწიბურების პრობლემის მოგვარებას, ასტიმულირებენ კანის რეგენერაციასა და პროცესების ცვლას. თერაპიას იდეალური შედეგი აქვს ნაწიბურების ადრეულ ეტეპზე მკურნალობისას.

სტრიების მოშორება

მეზოთერაპია სტრიების საწინააღმდეგო ერთ-ერთი ყველაზე ეფექტური მეთოდია, ასტიმულირებენ კანის რეგენერაციასა და პროცესების ცვლას, რის შედეგადაც სტრიების პრობლემურ ზონაზე ხდება კანის განახლება.

თვალის გარშემო მუქი რგოლები და ჩამოშვებული უპეები:

მეზოთერაპია აწესრიგებს ლიმფურ სადინარებს, აცილებს ლოკალურ ცხიმოვან ფენებს, ამკვრივებს კანს, რასაც თავის მხრივ ეფექტურია თვალის უპეების „ბალიშების“ მოსაცილებლად. მისი კანის ფერის ნორმალიზების ეფექტი კი გვაძლევს საშუალებას გავთავსუფლდეთ თვალის გარშემო არსებული მუქი წრეებისგან.

პიგმენტური ლაქები

მეზოკოქტეილში შემავალი მელანინის დამშლელი ნივთიერებები აღიავებს და აქრობს პიგმენტურ ლაქებს სახეზე. საკმარისია საშუალოდ 2-3 პროცედურა, რათა შედეგი შესამჩნევი და იდეალური გახდეს.

ყველაზე მნიშვნელოვანი გახლავთ გამოცდილი, დახელოვნებული ესთეტიკური დერმატოლოგის მიერ სწორად და ინდივიდუალურად თქვენთზე მორგებული მეზოთერაპიული კოქტეილის შერჩევა. კლინიკა „კანი ესთეტიკში“ დიაგნოსტირება 3 განზომილებიანი უახლესი, მე-7 თაობის აპარატით – VISIA, რისი დახმარებითად  ხდება სახის კანის დეტალური სკანირება, სადაც ვლინდება კანის საერთო მდგომარეობა, ბიოლოგიური ასაკი, იკვეთება კანქვეშ არსებული პიგმენტური ლაქებისა და ბაქტერიების არსებობა.

თანამედროვე დერმატოლოგიაში ბიორევიტალიზაცია მიღებულია როგორც ერთ-ერთი საუკეთესო და უსაფრთხო გაახალგაზრდავების მეთოდი ქირურგიული ჩარევის გარეშე.

სადმე შესაძლოა შეგვხვდეს, წავიკითხოთ, რომ თანამედროვე არარადიკალური გაახალგაზრდავების მეთოდები უმტკივნეულოა და ყველასათვის ერთნაირად ეფექტურია. ზოგიერთი ასევე თვლის, რომ ბიორევიტალიზაცია ის განსაკუთრებული გამონაკლისია გაახლგაზრდავების მეთოდებს შორის, რომელსაც არ გააჩნია გვერდითი ეფექტები. იმისათვის, რომ გავარკვიოთ რა არის ამ გავრცელებული მოსაზრებებიდან მართალი და რა მითი, საჭიროა უფრო დეტალური განხილვა. იმისათვის, რომ გავიგოთ როგორ ტარდება ბიორევიტალიზაციის პროცედურა, რა ხდება შემდგომ ჩვენს ორგანიზმში და რა ეფექტი აქვს პროცედურას , ამ და სხვა საინტერესო ინფორმაციისთვის წაიკითხეთ ჩვენი ბლოგი.

რას არის ბიორევიტალიზაცია?

ბიორევიტალიზაციის პროცედურა გულისხმობს უშუალოდ სპეციალისტის მიერ დერმისზედა და ღრმა შრეების გამდიდრებას გარე სტიმულირების ფაქტორებით: პრეპარატი, ულტრაბგერა, ლაზერი, მაგნიტური ტალღა, სიცივე და სხვა. მას ასევე ეხება პოპულარული და გავრცელებული პროცედურა მეზოთერაპია, რომელიც მოიცავს გარკვეული რაოდენობის აქტიური მედიკამენტების შეყვანას კანქვეშ. გასათვალისწინებელია, რომ რთულია გაიმიჯნოს ბიორევიტალიზაციისა და მეზოთერაპიის ზუსტი გამყოფი ხაზი.

რას იყენებენ ბიორევიტალიზაციისთვის?

მთავარი და ძირითადი განმსაზღვრელი კომპონენტი გახლავთ პოლიმერული მჟავა - ჰიულურონი, იგივე ჰიალურონის მჟავა, რომელიც სინთეზური გზით მიიღება. მისი გამოყენება შესაძლოა მოხდეს როგორც სუფთა, ასევე გაზავებული სახით. მეტი ეფექტის მისაღწევად გამოიყენება სუფთა და მაღალმოლეკულური ჰიულურონის მჟავა.

თავად ჰიულურონის მჟავა - გახლავთ კანის ბუნებრივი ელემენტი. ახალგაზრდა ასაკში სინთეზირდება დიდი რაოდენობით. ასაკის მატებასთან ერთად კი მისი გამომუშავება მნიშვნელოვნად მცირდება და კანის დაბერების პირველი ნიშნებიც სწორედ ჰიალურონის მჟავის სინთეზის მნიშვნელოვნად შემცირებას და მის შეჩერებას უკავშირდება. კანის გაახალგაზრდავება ბიორევიტალიზაციის ხარჯზე ნიშნავს მივაწოდოთ უჯრედს  დეფიციტური ნივთიერება და გავააქტიუროთ ელასტინისა და კოლაგენის გამომუშავების ბუნებრივი პროცესი, რომელიც უზრუნველყოფს კანის ელასტიურობას, სიმკვრივეს, სიჯანსაღესა და ბუნებრივ სილამაზეს. ბიორევიტალიზაციის კურსის შემდგომ მნიშვნელოვნად იმატებს კანის ახალგაზრდობის შენარჩუნების შანსი, ბიორევიტალიზაციის მეთოდი ერთნაირად ეფექტურია ნებისმიერ ასაკში, რეკომენდებულია ახალგარდა ასაკში მისი ჩატარება, როდესაც სახეზეა კანის მოშვების, ბუნებრივი სიჯანსაღისა და დაბერების პირველი ნიშნები.

როგორ ტარდება ბიორევიტალიზაციის პროცედურა და რა ხდება შემდგომ ჩვენს ორგანიზმში

ბიორევიტალიზაციის პროცესი იწყება საჭიროების მიხედვით სხვადასხვა პროცედურების შემდგომ, იქნება ეს კანის დამუშავება, მომზადება პროცედურის წინ, აპლიკაციური გამაყუჩებელი მალამოების შემდგომ. თავად პროცესის მიმდინარეობა კი ასეთია: ჰიალურონის მჟავის კანქვეშ შეყვანის შემდგომ, უჯრედს მიეწოდება გამზადებული სახით სუფთა ჰიალურონისდ მჟავა, მოხვედრისას იწვევს ე.წ „სტრესის ეფექტს“, შედეგად უჯრედი ბუნებრივი რექციაა გამოიმუშავოს კოლაგენი და ელასტინი დიდი ოდენობით. წარმოიქმნება თვალისათვის უხილავი მიკროჩაქცევები და მეზოდერმალური ფენის შევსების ხარჯზე იზრდება კანის სიმკვრივე. წარმოქმნილი ნაოჭები მცირდება, კანი ბევრად ელასტიური ხდება უბრუნდება ჯანსაღი და ახალგაზრდა იერი.

ჩვენება:

• მშრალი კანი, დეჰიდრატაცია;
• კანის დაბერების ნიშნები;
• კანის ელასტიურობის დაკარგვა;
• თვალის ირგვლივ ნაოჭები და შავი წრეები;
• კუპეროზი;
• ფორების გაფართოება;
• ნაწიბურები;
• სახის არამკვეთრი კონტური;
• მოშვებული ლოყები, ღაბაბი, ოვალის კორექტირება.

ყოველივე ზემოთ მოყვანილისგან, არ იფიქროთ, რომ ბიორევიტალიზაცია ეს პანაცეაა და ცალსახად წარმოდგენს ყველა თქვენი პრობლემის გადაჭრის ერთადერთ გზას. ნებისმიერი სახის კანთან დაკავშირებული პრობლემის განხილვა ხდება კვალიფიციურ და პროფესიონალ ესთეტიკურ დერმატოლოგთან, კლინიკა „კანი ესთეტიკში“ თითოეულ თქვენგანთან ხდება ინდივიდუალური მიდგომით თქვენი სახის კანის მდგომარეობის შესწავლა და მხოლოდ ამის შემდგომ ზონის დამუშავება და საჭირო პროცედურის შერჩევა

უკუჩვენება:

• ორსულობა და ლაქტაციის პერიოდი
• აუტოიმუნური დაავადებები (ართრიტი, გაფანტული სკლეროზი)
• გამწვავების პერიოდში ნებისმიერი ქრონიკული დაავადება
• ანთებითი პროცესი
• კანის ნაწიბურებისკენ მიდრეკილება
• ალერგია
• ნევუსი, ხალი, მსხვილი პიგმენტური ლაქები
• ნაღველკენჭოვანი დაავადებები

რა თქმა უნდა კლინიკა „კანი ესთეტიკის“ ესთეტიკური დერმატოლოგები პროცედურის წინ პაცინეტის ანამნეზით აუცილებლად არკვევს ზემოთ მოყვანილი უკუჩვენებების არსებობას, ამასთან მას უწევს დაეყრდნოს პაციენტის სიტყვებს, ამიტომ მნიშვნელოვანია იყოთ გულახდილნი და დაგვეხმაროთ გავხადოთ ბიორევიტალიზაციის პროცესი მეტად ეფექტური, ჩვენთვის თქვენს სილამაზესთან ერთად თქვენი ჯანმრთელობა და უსაფრთხოებაა მნიშვნელოვანი.

ყველაზე მნიშვნელოვანი გახლავთ გამოცდილი, დახელოვნებული ესთეტიკური დერმატოლოგის მიერ სწორად და ინდივიდუალურად თქვენზე მორგებული პრეპარატის შერჩევა. 
კლინიკა „კანი ესთეტიკში“ დიაგნოსტირება 3 განზომილებიანი უახლესი, მე-7 თაობის აპარატით – VISIA, რისი დახმარებითად  ხდება სახის კანის დეტალური სკანირება, სადაც ვლინდება კანის საერთო მდგომარეობა, ბიოლოგიური ასაკი, იკვეთება კანქვეშ არსებული პიგმენტური ლაქებისა და ბაქტერიების არსებობა.

პრობლემა, რომელზეც დღეს უნდა გესაუბროთ, ადამიანთა უმეტესობისთვის ნაცნობი და მტკივნეულია - აკნეს შედეგად წარმოქმნილი ნაწიბურები და პიგმენტური ლაქები. კანი ესთეტიკში კი, ყველა ამ პრობლემის მოგვარება იმაზე მარტივია, ვიდრე შენ წარმოგიდგენია. რომელსაც დღევანდელ ბლოგში შემოგთავაზებთ, რეალურად, არა მხოლოდ აკნეს „ნარჩენების“ სამკურნალოდ არის ეფექტური, არამედ ნებისმიერი სახის ნაწიბურისთვის, სტრიებისა და დეფექტებისთვის, რაც ადამიანთა დიდი ნაწილისთვის  დისკომფორტია.

პოსტაკნე ნაწიბურებთან ეფექტური ბრძოლისთვის პროცედურებიდან თითოეულს თავისი დანიშნულება გააჩნია და საბოლოო შედეგის მისაღწევად მნიშვნელოვან საფეხურს წარმოადგენს. სრულყოფილი ეფექტის მისაღწევად მნიშვნელობა სეზონსაც კი აქვს და შემოდგომა ამისთვის სწორედ საუკეთესო დროა.

პროცედურა #1 - VENUS VIVA

იცით, რომ ნაწიბურების გასაქრობად Venus Viva_ს აპარატს საუკეთესო შედეგი აქვს ? პოსტაკნე ნაწიბურების, პიგმენტური ლაქების სამკურნალოდ და ოცნების შედეგამდე მისაღწევ გზად აუცილებლად უნდა დავასახელოთ ინოვაციური აპარატი, სახელწოდებით Venus Viva. მას თამამად შეიძლება ეწოდოს რევოლუციური სიახლე ესთეტიკურ მედიცინაში. მოცემული მეთოდიკა არაქირურგიული გზით გაახალგაზრდავებისა და გაჯანსაღების ერთ-ერთ მთავარი გზად ითვლება.  იგი სულ უფრო პოპულარული ხდება და სამართლიანად იკავებს მოწინავე ადგილს იმ პროცედურების ჩამონათვალში, რომელთაც სხვადასხვა ქვეყანაში უფრო და უფრო ხშირად მიმართავენ.

უშუალოდ პროცედურაზე რომ გადავიდეთ, Venus Viva დერმატოლოგიური პროცედურაა, რომელიც კანის აქერცვლას და გაახალგაზრდავებას გულისხმობს. აპარატის თავაკში მოთავსებულ ელექტროდებში წარმოქმნილი ნანოფრაქციული რადიოტალღა კანის მიზანმიმართულ დაზიანებას იწვევს.  სტრუქტურის აღდგენის შემდეგ უმჯობესდება კანის ზედაპირი, ტექსტურა და ფერი, სწორდება კანის დაზიანების ნიშნები. აკნეს ნაწიბურების გარდა ებრძვის სტრიებს, როზაცეას, ზედაპირულ ლაქებს, სამედიცინო ჩარევის შედეგად დარჩენილ ნაწიბურებს, გაფართოებული ფორებს, ღრმა ნაოჭებს, კანის არათანაბარ ტექსტურასა და პიგმენტაციას. აპარატი თანაბრად სასარგებლოა როგორც მუქი, ისე ღია ფერის კანისთვის.

ბაზარზე Venus Viva-ს გამოჩენამდე მსგავს პროცედურას ლაზერული აპარატების მეშვეობით აკეთებდნენ, თუმცა იგი მტკივნეული იყო და რეაბილიტაციას, ხშირად, რამდენიმე კვირა სჭირდებოდა. Venus Viva-მ კი ესთეტიკურ მედიცინას მისცა საშუალება პროცედურა ბევრად ეფექტურად, უმტკივნეულოდ და რაც მთვარია, ყოველგვარი რეაბილიტაციის პერიოდის გარეშე წარემართა - ყოველდღიურ რუტინას პაციენტი 24 საათში უბრუნდება. საქართველოში Venus Viva-ს ინოვაციური აპარატით სარგებლობა მხოლოდ კლინიკა „კანშია“ შესაძლებელი.

რაც შეეხება ხილულ შედეგს, იგი პირველივე პროცედურის შემდეგ თვალსაჩინოა, თუმცა ზემოთჩამოთვლილი საკმაოდ ღრმა პრობლემების მოსაგვარებლად, ბუნებრივია, მისი განმეორებაა უპრიანი. განსაკუთრებით ეფექტური იქნება, თუკი მას კომბინირებული თერაპიის ნაწილად განვიხილავთ და იმ სხვა პროცედურებთან ერთად მივმართავთ, რომლებზეც ბლოგში გვაქვს საუბარი.

პროცედურა #2 - მიკრონიდლინგს ( DERMAPEN ) + პლაზმოთერაპია

მიკრონიდლინგი სპეციალური მოწყობილობის (DermaPen) მეშვეობით კანის ზედაპირულ ფენაზე მრავლობითი, მიზანმიმართული მიკროდაზიანების მიყენებას გულისხმობს და იგი თანამედროვე აპარატურულ კოსმეტოლოგიაში უნიკალურ მეთოდად ითვლება. დერმაპენის ბოლოში განთავსებული 12 თხელი ნემსი კანში წამში 100-ჯერ აღწევს, რაც მის მრავალ მიკრო დაზიანებას იწვევს. კანის დამცავი მექანიზმი ამ პროცესს განიხილავს როგორც დაზიანებას და დაუყოვნებლივ სამკურნალო პროცესს იწყებს.  იგი განსაკუთრებულ ეფექტს პლაზმოთერაპიასთან კომბინაციის დროს იძლევა. ამრიგად, კანი უფრო მტკიცე და კაშკაშა ხდება. 

აღნიშნული მეთოდიც არა მხოლოდ პოსტაკნე ნაწიბურების გაქრობაში გვეხმარება, არამედ პრობლემათა გრძელი სიის გადაჭრაში თამაშობს უდიდეს როლს. ბონუსად კი მთელ რიგ დადებით ეფექტებს მოიყოლებს: ხელს უწყობს ორგანიზმის მიერ კოლაგენის და ელასტინის გამომუშავებას, ამცირებს ნაოჭებსა და წვრილ ხაზებს, ჰიპერპიგმენტაციას, აუმჯობესებს კანის სტრუქტურას, ამკვრივებს და ახალგაზრდავებს. ფორებს, ლაქებსა და ნაწიბურებს კი ამცირებს.

მიკრონიდლინგსა და დერმაპენის მოქმედების პრინციპზე უკვე ვისაუბრეთ, რაც შეეხება პლაზმოთერაპიას, ესაა პროცედურა, რომლისთვისაც სახის კანის უჯრედების გასაჯერებლად პაციენტისვე სისხლის პლაზმა გამოიყენება. მიკრონიდლინგი პლაზმოთერაპიასთან ერთად კი წარმოადგენს კოსმეტიკური მკურნალობის პროცედურას, რომელიც ხელს უწყობს კოლაგენის წარმოშობას კანზე წვრილი ნემსების მოძრაობითა და თრომბოციტების შეშვების გზით, რაც სისხლის ერთერთი შემადგენელი კომპონენტია. სისხლის პლაზმის დამატება მიკრონიდლინგს კიდევ უფრო ეფექტურს ხდის, ვინაიდან სისხლში არსებული თრომბოციტები ჭრილობებისა და დაზიანებების მკურნალობას ეხმარებიან. თრომბოციტებით მდიდარი პლაზმა შეიცავს ცილებს, მათ შორის ზრდის ფაქტორებსა და ციტოკინებს. სწორედ ეს ცილები უწყობს ხელს კანის ქსოვილის აღდგენას. შესაბამისად, მიკრონიდლინგზე პლაზმოთერაპიის დამატება აჩქარებს მკურნალობის პროცესს და აუმჯობესებს შედეგს.

პროცედურების ოპტიმალური რაოდენობა ინდივიდუალურია. დიდი ნაწიბურებისა და ღრმა ნაოჭების მკურნალობისთვის, ბუნებრივია, მეტი სეანსია საჭირო. შესაბამისად, თვალსაჩინო შედეგსაც მყისვე არ უნდა ველოდოთ, ვინაიდან ორგანიზმს კოლაგენის გამომუშავებისთვის დრო სჭირდება. პროცედურას თან მინიმალური დისკომფორტი ახლავს. კანის სიწითლე და მცირე ზომის სისხლჩაქცევები კი, რომელიც პაციენტს შესაძლოა აღენიშნებოდეს, 4-5 დღის განმავლობაში ქრება.

პროცედურა #3 - ქიმიური პილინგი

ქიმიურ პილინგს ჯადოსნურ ეფექტს უწოდებენ, რადგან პროცედურის შემდეგ ადამიანი სრულიად განახლებულ, გაახალგაზრდავებულ კანს იძენს, ერთგვაროვანი იერითა და ჯანსაღი ფერით.

ყველაზე ხშირად დასმულ კითხვაზე - რეალურად გვეხმარება თუ არა ქიმიური პილინგი აკნეს ნაწიბურების შემცირებასა და გაქრობაში, პასუხი მარტივი და ერთმნიშვნელოვანია - დიახ, ქიმიური პილინგი ებრძვის აკნეს ნაწიბურებს! ჯადოსნობა, რომელიც ზემოთ ვახსენეთ, იმაში მდგომარეობს, რომ ამქერცლავი პროცედურა კანის ზედაპირს პრობლემურ ფენას, ჩამოაცილებს და ახალი, ჯანმრთელი, ლამაზი საფარველით ჩაანაცვლებს. დროთა განმავლობაში კი აკნეს მიერ დატოვებულ ნაწიბურებსაც ამცირებს.

პილინგი არაჩვეულებრივი საშუალებაა არა მხოლოდ აკნეს შემდგომი ნაწიბურებისა და შრამებისთვის, არამედ პიგმენტური ლაქებისთვისაც, რითიც ზაფხულის მზე უხვად „გვასაჩუქრებს”. მითუფრო, თუ სანაპიროზე გარუჯვაც გვიყვარს. აგრეთვე, გრკვეული ტიპის გამონაყარის დროს, მომაბეზრებელი შავი წერტილების, ნახეთქების, სტრიების, გაფართოებული ფორების, არაჯანსაღი სახის ფერის, ნაოჭების, მოდუნებული და რელიეფური კანის შემთხვევაში.

ქიმიური პილინგის ძირითადი შემადგენელი კომპონენტი სხვადასხვა ტიპის მჟავაა. პროცედურის მსვლელობისას პრობლემური ზონა სპეციალური ნივთიერებით მუშავდება. სწორედ იგი აშორებს კანს ზედა საფარველს და ასტიმულირებს ახალი უჯრედების გამომუშავებას, აძლიერებს უჯრედშორის ნივთიერებათა სინთეზს და აჩქარებს ფერმენტებისა და ფიბრობლასტების გამომუშავებას. პროცედურის რეგულარულად ჩატარების შემთხვევაში, კანი მდიდრდება კოლაგენითა და ელასტინით, რაც მას ბრწყინვალე, ჯანსაღ და ახალგაზრდულ იერს აძლევს.

ქიმიური პილინგი, ზემოქმედების სიღრმის მიხედვით, სამ კატეგორიად იყოფა: ზედაპირული, საშუალო და ღრმა. პილინგის მეთოდი და პროცედურის რაოდენობა კი პაციენტის ასაკსა და კანის მდგომარეობაზეა დამოკიდებული.

დასკვნის სახით, აუცილებლად უნდა გითხრათ ისიც, რომ ზემოთხსენებული პროცედურების კურსის ხანგრძლივობას, საჭირო სესიების რაოდენობასა და სიხშირეს პროფესიონალი ექიმი დერმატოლოგები თითოეული პაციენტის ინდივიდუალური საჭიროების მიხედვით ადგენენ. დაუშვებელია სხვისი გამოცდილების პირდაპირი სახით გამეორება და სპეციალისტთან კონსულტაციის გარეშე თვითნებური გადაწყვეტილებების მიღება. იმისათვის, რომ ეფექტი იყოს მაქსიმალური და არ გამოიწვიოს უკუშედეგი - არ გაამწვავოს თქვენი კანის მდგომარეობა, დარწმუნებულები უნდა იყოთ იმ დაწესებულების სანდოობასა და მაღალ სტანდარტში, სადაც პროცედურის ჩატარებას გადაწყვეტთ.