მულტიპროფილური კლინიკა "კანი" აცხადებს შერჩევას ექიმი დერმატო-ვენეროლოგის პოზიციაზე.
გრაფიკი: სრული
ადგილმდებარეობა: თბილისი, სააკაძის დაღმართი N11
საკვალიფიკაციო მოთხოვნები:
** მოქმედი სახელმწიფო სერტიფიკატი (შესაბამისი განათლების დამადასტურებელი მოწმობა);
** სასურველია აღნიშნული მიმართულებით მინიმუმ 2 წლიანი სამუშაო გამოცდილება;
ძირითადი მოვალეობები:
** პაციენტის მიღება, დიაგნოსტირება და ანამნეზის შეკრება;
** კლინიკაში არსებული გაიდლაინების გათვალისწინებით, კვალიფიციური სამედიცინო მომსახურების გაწევა;
** მკურნალობის პროცესთან დაკავშირებული დოკუმენტაციების წარმოება და გაცემა;
** საქმიანობასთან დაკავშირებული სხვადასხვა დავალებების შესრულება.
უნარ-ჩვევები:
** პასუხისმგებლობის მაღალი გრძნობა
** ორგანიზებულობა და დისციპლინირებულობა
** პაციენტებისადმი ეთიკური, პასუხისმგებლიანი დამოკიდებულება
გთხოვთ, გამოაგზავნოთ CV შემდეგ ელექტრონულ მისამართზე: hr@kani.ge
სათაურის ველში მიუთითეთ ვაკანსიის დასახელება “ექიმი დერმატო-ვენეროლოგი.”
** ვაკანტურ პოზიციაზე განიხილებიან ახალგაზრდა ექიმები და რეზიდენტები.
კაპილარები და ამით გამოწვეული სიწითლე სახეზე ის პრობლემაა, რომელიც უამრავ ადამიანს დილით, სარკეში ჩახედვისას, გუნება-განწყობას უფუჭებს. ამგვარი კანი მუდმივად წითელია რაც ბევრ ჩვენგანს სურვილს უჩენს სასწრაფოდ დაფაროს ის რაიმეთი, თუნდაც დროებით. თუმცა, კრემების საშუალებით პრობლემა მხოლოდ მცირე ხნით გვარდება - სარკეში მომდევნო ჩახედვამდე. ამ ბლოგში ჩვენ იმ საშუალების შესახებ მოგიყვებით, რომელიც მისი ხანგრძლივად დავიწყებისა და დამფარავი კრემების გადაყრის საშუალებას მოგცემთ.
პროცედურა და აპარატი, რომელიც უნდა გაგაცნოთ, ესთეტიკურ მედიცინასა და კანის მკურნალობაში ბოლო ათწლეულის ყველაზე დიდი აღმოჩენაა.
აპარატ Venus Versa-სა და IPL მეთოდზე, რომელიც კაპილარებისა და წვრილი სისხლძარღვების ფოტო სხივით მოშორებას გულისხმობს. აღნიშნული აპარატი, საქართველოში, მხოლოდ კლინიკა „კანს“ აქვს და შესაბამისად, მისი გამოყენების უახლეს ტექნოლოგიასაც მხოლოდ „კანის“ პროფესიონალი ექიმი დერმატოლოგები ფლობენ.
IPL (ანუ, ინტენსიური პულსის სინათლე) იყენებს სინათლეზე დაფუძნებულ ტექნოლოგიას, რომელიც კანის მკურნალობასა და ზემოთხსენებული კაპილარების გაქრობას ეხმარება. IPL, ესაა სინათლისა და სითბოს კომბინაცია, რომელთა გარდატეხვის შედეგად კანზე შერჩევითი ლიზის, ანუ სამიზნე უჯრედების დაზიანება ხდება. აპარატი ინოვაციურია იმით, რომ მასში მოთავსებულია Smartpulse™ ტექნოლოგია - კანის ზედაპირის იდეალური გაგრილება, რაც ექიმს საშუალებას აძლევს თითოეულ პაციენტთან სწორად შერჩეული ენერგიით იმუშაოს და ამასთან ისე, რომ კანის დაზიანება არ გამოიწვიოს.
პროცედურა სრულიად უმტკივნეულოა და არ საჭიროებს გამაყუჩებელ საშუალებას. პაციენტი მხოლოდ მცირე სითბოს გრძნობს სახეზე. სეანსი, საშუალოდ, 10-15 წუთს გრძელდება. მაქსიმუმ - ნახევარი საათი. დასრულების შემდეგ, პაციენტს აღენიშნება მცირედი შეშუპება და სიწითლე, შესაძლოა გრძნობდეს სიმხურვალესაც 1-2 დღის განმავლობაში. ამ პერიოდში იზღუდება ფიზიკური აქტივობაც, რადგან კანი არ უნდა ჩახურდეს და გაოფლიანდეს. სრულყოფილ ცხოვრებას ადამიანი, დაახლოებით, 4-5 დღეში უბრუნდება. თუმცა, ეს ყველაფერი ინდივიდუალურია და ზოგიერთ პაციენტს ეს მცირეოდენი დისკომფორტიც კი არ აწუხებს.
IPL მეთოდი, როგორც უკვე აღვნიშნეთ, ერთ-ერთი საუკეთესო საშუალებაა კაპილარებისა და წვრილი სიხლძარღვების ხანგრძლივი დროით მოსაშორებლად, გასაუფერულებლად. იწვევს კაპილარების კოაგულაციას. სახიდან ქრება სიწითლე, კანი ხდება შესამჩნევად კაშკაშა და თანაბარი.
შედეგი პირველივე პროცედურის დასრულების შემდეგ თვალსაჩინოა, თუმცა IPL მეთოდით მკურნალობა, როგორც წესი, 3-4 სეანსს გულისხმობს, დაახლოებით ერთ თვიანი შუალედით. მეთოდი თერაპიულია, ამიტომ ციკლურ კურსს ითვალისწინებს. კურსის განმეორების სიხშირე და ინტერვალი კი პაციენტის პრობლემასა და სამკურნალო არეალზეა დამოკიდებული.პროცედურა გასაკუთრებით ეფექტურია სახისთვის, თუმცა, სხეულის სხვა უბნებზეც ტარდება და შედეგი, ამ შემთხვევაშიც, მაღალხარისხიანია.
პროცედურისთვის საუკეთესოა დროა შემოდგომა და ზამთარი, რადგან ამ პერიოდში, ადამიანები, მზეზე ნაკლებად ხვდებიან. სეანსების ჩატარების პერიოდში გარუჯვა აკრძალულია. რეკომენდირებულია ანტიბიტიკების მიღებისგან ავის შეკავება.
სახის კანის წმენდა, თავის მოვლის რუტინის პირველ საფეხურად და ანა-ბანად შეგვიძლია მოვნათლოთ, ვინაიდან შეუძლებელია, ადამიანი, რომელიც საკუთარ გარეგნობასა და სილამაზეზე ზრუნავს, პირველ რიგში, სახის კანის წმენდას არ იტარებდეს. ესაა ის, რის გარეშეც აზრს კარგავს ყველაზე ძვირადღირებული კოსმეტიკური საშუალებები და ესთეტიკური პროცედურებიც კი. პირდაპირ და შეულამაზებლად რომ გითხრათ, სულ ტყუილად ხარჯავთ სოლიდურ თანხებს ათასნაირ კრემებსა თუ შრატებში, გელებსა თუ ნიღბებში, თუკი სახის წმენდას არ იტარებთ და კანს მკვდარი უჯრედების, მაკიაჟის ნარჩენების, მტვრისა და იმ ათასგვარი ჭუჭყისაგან არ ასუფთავებთ, რაც მასზე წლების განმავლობაში გროვდება, ფორებს ავსებს, აფართოებს, გამონაყარისა და ნაოჭებისთვის ხელსაყრელ გარემოს ქმნის და ყოველდღიურად აუშნოებს.
კიდევ უფრო მეტი სიმარტივისა და პირდაპირობისთვის - ესაა ის, რასაც ვერავინ ავარიდებთ თავს, თუკი საკუთარი გარეგნობა, კანის სიჯანსაღე და იერი გვაწუხებს. თუკი არ გვინდა კანი ნაადრევად დანაოჭებულად, მოშვებულად, არაჯანსაღად გამოიყურებოდეს და მასზე, ყოველდღიურად, გამონაყარის სახით ახალ-ახალი „სიურპრიზები“ გვხვდებოდეს.
დასაწყისისთვის, აუცილებლად უნდა გითხრათ ის, რომ სახის კანის ორი ტიპის წმენდა არსებობს - ზედაპირული და ღრმა. ზედაპირული წმენდა, ძირითადად, მშრალი კანის მქონე ადამიანებს სჭირდებათ. ან მათ, ვისაც ცხიმიანი კანი აქვს, თუმცა ხშირად იწმენდს, კანი ნორმალურ მდგომარეობამდეა მიყვანილი და ახლა უკვე ზედაპირულ წმენდას საჭიროებს. რაც შეეხება ღრმა წმენდას, იგი სჭირდებათ ნორმალური, კომბინირებული, ან ცხიმიანი კანის მქონე ადამიანებს. ღრმა და ზედაპირულ წმენდას შორის განსხვავება არ გულისხმობს იმას, რომ რომელიმე უფრო მეტად, ან უფრო ნაკლებად ტრავმულია. კანისთვის ორივე თანაბრად არატრავმულია, უბრალოდ ზოგიერთი კანი გასაწმენდად უფრო მეტ საფეხურს საჭიროებს, ზოგი კი - ნაკლებს.
რაც შეეხება საფეხურებს, ღრმა წმენდა 7 ძირითად საფეხურს მოიცავს, ზედაპირული კი - ხუთს. იმას, თუ რომელ პაციენტს როგორი ტიპის წმენდა სჭირდება და როდის არის ეს უფრო მიზანშეწონილი, კლინიკა „კანი ესთეტიკის“ ექიმი დერმატოლოგები მასთან პირადი კონსულტაციის დროს ადგენენ, მხოლოდ მას შემდეგ, რაც პაციენტის კანის მდგომარეობის შესახებ სრულ ანამნეზს შეკრებენ. თუმცა ისეც ხდება, რომ თავდაპირველად, პაციენტისთვის ზედაპირული წმენდა გადაწყდება, საწყისი ეტაპების გავლის შემდეგ კი აღმოჩნდება, რომ კანი იმაზე მეტადაა გასაწმენდი, ვიდრე თავდაპირველად ჩანდა და პროცესი ღრმა წმენდაში გადაიზრდება. ადამიანების დაახლოებით 95 %-ის შემთხვევაში კანის ღრმა წმენდაა საჭირო, ზედაპირულს კი, მხოლოდ 5 % თუ საჭიროებს.
მოდით, მივყვეთ თანმიმდევრობით და დავახასიათოთ თითოეული ტიპის წმენდა ცალ-ცალკე. როგორც უკვე აღვნიშნეთ, ყველაფერი კონსულტაციით იწყება, რასაც საჭირო ტიპის განსაზღვრა მოსდევს და ხოლოდ ამის შემდეგ შეუდგება სპეციალისტი საქმეს.
სახის კანის ღრმა წმენდა 7 საფეხურიანია და იგი ძირეულად განსხვავდება იმ მოძველებული მეთოდოლოგიისგან, რომელსაც კოსმეტოლოგები სულ ახლო წარსულში და სამწუხაროდ, ახლაც კი იყენებენ. ეს თანამედროვე, მრავალეტაპიანი საშუალება, განსხვავებით წინამორბედი პროცედურისგან, გამორიცხავს სახის კანის დაზიანებას და აორმაგებს შედეგს.
კონსულტაციის შემდეგ, რომელიც კანის პრობლემებს გამოკვეთს და ექიმს უკარნახებს, თუ რა სახის ჩარევა სჭირდება პაციენტს, რენტგენული სურათის (ვიზიო) გადაღება ხდება, რათა მან კანის წმენდამდე არსებული მდგომარეობა ასახოს. ამის შემდეგ უკვე პროცედურა იწყება.
საფეხური #1: პირველი საფეხური დემაკიაჟია, რაც აუცილებელია იმ შემთხვევაშიც კი, თუ პაციენტი კლინიკაში უმაკიაჟოდ და დაბანილი სახით მოდის. სპეციალისტი, უშუალოდ სამუშაოს დაწყების წინ, კანის ტიპის შესაბამისი გელით კიდევ ერთხელ ჩამოჰბანს პაციენტს სახეს და შემდეგი ეტაპებისთვის მოამზადებს.
საფეხური #2: 7 ეტაპიანი წმენდის მეორე ნაბიჯი „ბრაშინგია“. ამ დროს კანზე, სპეციალური კოსმეტოლოგიური საშუალებით, ზედაპირული პილინგი კეთდება, რაც მას ზედაპირულ მკვდარ უჯრედებს აშორებს და წმენდისთვის ამზადებს. „ბრაშინგის“ ალტერნატივად, ან მის დამატებად, ზოგ შემთხვევაში, შესაძლოა, გამოყენებულ იქნას თერმული ნიღაბი, რომელსაც ასევე პილიგნის ეფექტი აქვს. ამ გზით სპეციალისტი კანის ზედაპირს არბილებს და ღრმად არსებულ მკვდარ უჯრედებს მოსაცილებლად ამზადებს. ამავე საფეხურზე მოიაზრება დერმაბრაზიაც, რაც ზედაპირული მკვდარი უჯრედების კიდევ უფრო საფუძვლიან მოცილებასა და ფორების, ნაწიბურების გათხელებას გულისხმობს. აღნიშნული პროცესი, შესაძლოა, არ იყოს საჭირო მთელს სახეზე და დერმატოლოგმა მას მხოლოდ კონკრეტული უბნებისთვის მიმართოს, სადაც ფორების გათხელება და შემცირება უფრო მეტად იქნება საჭირო.
საფეხური #3: პროცედურის ამ ეტაპზე კომედონების (ე.წ. ფერისმჭამელები, შავი, ან ყვითელი წერტილები) დამარბილებლად ჰიდროგელის ნიღაბი გამოიყენება. მისი საშუალებით კომედონები, რომლებიც ჩვენს კანს არცთუ ისე უხდება და ბევრს ხელით წვალების სურვილსაც უჩენს, რბილდება. მოგვიანებით კი მარტივად ამოდის კიდეც.
საფეხური #4: მას შემდეგ, რაც პირველ სამ საფეხურს დაასრულებს, ექიმი დერმატოლოგი ულტრაბგერით წმენდაზე გადადის. ეს, როგორც წესი, მთლიანი სახის კანზე კეთდება და ღრმად ჩამჯდარი ჭუჭყის, არასასურველი ელემენტების ადვილად ამოსაღებადაა საჭირო. იგი, დერმაბრაზიის შემდეგ, მეორე აპარატურული საფეხურია მთელს ჯაჭვში. დანარჩენი საფეხურებისთვის კი სხვადასხვა სახის პრეპარატი და ექიმის გაწაფული ხელებია საჭირო.
საფეხური #5: სახის კანის სრულყოფილი გასუფთავების მეექვსე ეტაპად მექანიკური წმენდაა განსაზღვრული, რომელიც მხოლოდ იმ შემთხვევაში ტარდება, თუკი კანზე ანთებითი პროცესი არ აღინიშნება. მექანიკური წმენდა, როგორც წესი, ძირითადად იმ უბნებზე გამოიყენება, სადაც შავი წერტილები, ან ცხიმგროვებია. ეს საშუალება სრულიად გამორიცხავს ძველებურ „კოვზს“ და მას სპეციალისტი მხოლოდ ხელით აკეთებს. იმ შემთხვევაში, თუ ცხიმგროვა დიდია და ხელით მეკანიკურ წმენდას არ ემორჩილება, მისი ნემსით გახსნა ხდება იმგვარად, რომ კანის მთლიანობა არ იღრვევა.
საფეხური #6: განვლილი 5 საფეხურის შემდეგ პაციენტის სახე უკვე ნიღაბს საჭიროებს. მისი კანის ტიპის და იმის მიხედვით, თუ რამდენადაა გაღიზიანებული იგი, ექიმი დერმატოლოგი ნიღაბს არჩევს და მას კანის გამოსაკვებად და დასამშვიდებლად იყენებს.
საფეხური #7: ბოლო ეტაპი კი კანის ტიპის შესაბამისი კრემით დატენიანებაა. მზიანი ამინდის შემთხვევაში მას დამცავი SPF კრემიც ემატება. ამის შემდეგ უკვე პროცედურა დასრულებულია, კანი - გაწმენდილი, პაციენტი კი - კმაყოფილი. ღრმა წმენდისთვის, საშუალოდ 1,5 საათია საჭირო.
ზედაპირული წმენდა, როგორც უკვე აღვნიშნეთ, მეტწილად, მშრალი კანის მქონე პაციენტებს ენიშნებათ. იგი, ძირითადად, იმ ეტაპებს მოიცავს, რასაც ღრმა წმენდა, თუმცა ზოგიერთი მათგანის გამოკლებით. დერმაბრაზია და მექანიკური წმენდა ის საფეხურებია, რაც ზედაპირული წმენდის დროს გამორიცხულია. მათი გამოყენება მხოლოდ ღრმა წმენდის დროსაა მიზანშეწონილი.დანარჩენი საფეხურები კი, ზედაპირული წმენდის დროსაც გასავლელია. თუმცა, ინდივიდუალური მახასიათებლები ამ შემთხვევაშიც მნიშვნელოვანია და ეტაპების შემცირება, ან თანმიმდევრობის არევაც დასაშვებია.
მაშ ასე, ზედაპირული წმენდის საფეხურებია:
საფეხური #1 - დემაკიაჟი;
საფეხური #2 – „ბრაშინგი“;
საფეხური #3 - ჰიდროგელის ნიღაბი;
საფეხური #4 - ულტრაბგერითი წმენდა;
საფეხური #5 - ნიღაბი და კანის შესაბამისი კრემი.
ზედაპირულ წმენდას, როგორც წესი, ერთი საათი სჭირდება.
სამწუხაროა, მაგრამ ფაქტია, რომ ჯერ კიდევ ბევრ დაწესებულებაში სთავაზობენ პაციენტს კანის ძველი მეთოდით ე.წ. „კოვზით“ წმენდას, რაც „კანი ესთეტიკის“ ექიმი დერმატოლოგების მიერ ხმარებიდან ამოღებულია იმ მიზეზით, რომ იგი ზედმეტად ტრავმულია, ზეწოლით არღვევს კანის მთლიანობას, შუპდება და ზედაპირული კაპილარების გაჩენას იწვევს. კანის წმენდის ძველი მეთოდი დისკომფორტის შემცველი, ხშირად კი მტკივნეულიც კი იყო.
შესაბამისად, ვინმესთვის კანის წმენდა, შესაძლოა, დისკომფორტთან ასოცირდებოდეს, რაც თანამედროვე მეთოდის შემთხვევაში რეალობას სრულებით არ შეესაბამება. როგორც ღრმა, ისე ზედაპირული წმენდის დროს პროცედურა არათუ სრულიად უმტკივნეულო, არამედ სასიამოვნოც კი არის. „პროცედურა იმდენად კომფორტულია, რომ პაციენტები ისვენებენ, დუნდებიან და ეძინებათ კიდეც. სახის მასაჟსაც კი ჰგავს და მართლაც სასიამოვნო შეგრძნებებია. რეაბილიტაციის პერიოდი, ფაქტობრივად, არ აქვს. თუ პაციენტი დილის საათებში ჩაიტარებს მას, საღამომდე, უბრალოდ, დაიბანს და კრემს წაისვამს, თუ საღამოს საათებში გაიწმენდს, დაძინებამდე აღარაფერი სჭირდება. წმენდის დღეს არ შეიძლება მაკიაჟის გაკეთება და 1-2 საათის განმავლობაში უნდა მოვერიდოთ სახეზე მექანიკურ შეხებას. პირველ და მეორე დღეს იკრძალება აუზი, გარუჯვა, საუნა და ვარჯიში, რათა კანი არ გაოფლიანდეს. ამის შემდეგ უკვე ყველაფერი ნებადართულია“, - განმარტავს „კანი ესთეტიკის“ დერმატო-კოსმეტოლოგი მაკა ჯუგაშვილი.
არის შემთხვევები, როცა პაციენტს სპეციალისტი კანის წმენდაზე უარს ეუბნება და მის სხვა დროს ჩატარებას სთავაზობს. ეს იმ შემთხვევაში ხდება, თუკი სახეზე ანთებითი პროცესია დაწყებული და კერა იმდენად მრავალი, ან დიდია, რომ წმენდის დროს თავის არიდება შეუძლებელი ხდება. მითი, რომელიც ყველაზე ხშირად გაგვიგია, ალბათ, ის არის, რომ მშრალი კანის მქონე ადამიანებს სახის კანის წმენდა არ სჭირდებთ. „კანი ესთეტიკის“ დერმატო-კომეტოლოგი მაკა ჯუგაშვილი ამბობს, რომ ეს მოსაზრება კატეგორიულად არასწორია და რომ მშრალი კანის შემთხვევაშიც ისევე მიმდინარეობს მკვდარი უჯრედების დაშრევების პროცესი, როგორც ცხიმიანი კანის დროს. უბრალოდ, ცხიმიან კანს ამით ბევრი ისეთი პრობლემა ექმნება, რაც ვიზუალურად უფრო მარტივად შესამჩნევია - გამონაყარი, ცხიმიანობა. მშრალ კანს კი, გაუწმენდაობის შემთხვევაში, უჩნდება წვრილი ნაოჭები, აღენიშნება არაჯანსაღი ფერი, დუნდება და ა.შ. სპეციალისტი ამბობს, რომ წმენდა სჭირდება არათუ მშრალი, არამედ ძალიან მშრალი კანის მქონე ადამიანებსაც კი. ოღონდ - ზედაპირული. „გასაწმენდი კანი, ყველაზე მეტად, ფორებს აზიანებს - აჩენს და აფართოებს მას. ისინი ივსება ჭარბი ცხიმით, მაკიაჟის ნარჩენებით, მტვერით და ა.შ. შედეგად, ფორები ფართოვდება და მისი მოშორება უკვე ძნელი, ხშირად კი შეუძლებელიც ხდება. გაფართოებული ფორები იწვევს სწორედ გამონაყარს, ნაოჭებს და ა.შ.“ - ამბობს სპეციალისტი.
რაც შეეხება პროცედურების ჩატარების ინტენსივობას, ეს ინდივიდუალურია. ცხიმიანი კანის შემთხვევაში, საწყის ეტაპზე, 1-1,5 თვის ინტერვალითაა საჭირო,მოგვიანებით, როცა მისი მდგომარეობა გაუმჯობესდება, ინტერვალი იზრდება. მშრალი კანის შემთხვევაში კი წელიწადში ორჯერ, როგორც წესი, საკმარისია.