დერმატოლოგია
კანი სხეულის ყველაზე დიდი და ხილული ორგანოა.
ის წარმოადგენს სასიცოცხლო ბარიერს, რომელიც იცავს ჩვენი სხეულის შიდა სისტემებს გარე საფრთხეებისგან. კანის ბარიერული ფუნქცია კი განსაკუთრებით მნიშვნელოვანს ხდის ისეთ სამედიცინო მეცნიერებას, როგორიცაა დერმატოლოგია.
„კანი“ მრავალპროფილური კლინიკაა, რომლის მთავარ მიმართულებას სწორედ დერმატოლოგიური სერვისი წარმოადგენს.კლინიკა აღჭურვილია უახლესი, ხელოვნური ინტელექტის მქონე ტექნიკით, რომელიც ზუსტი დიაგნოსტირების სრულ გარანტიას იძლევა. ჩვენი გამოცდილი პროფესიონალების გუნდი მუდამ მზად არის სრულყოფილი სერვისი შესთავაზოს პაციენტს.
რა არის დერმატოლოგია?
დერმატოლოგია მედიცინის ის სფეროა, რომელიც ეხება კანის, თმის, ფრჩხილებისა და ლორწოვან გარსების დარღვევების დიაგნოსტირებას, მკურნალობასა და პრევენციას.
დერმატოლოგია ხშირად მოიცავს ისეთ კოსმეტიკურ პროცედურებსაც, რომლებიც მიზნად კანის ვიზუალური მხარის გაუმჯობესებას ისახავს. ასეთი პროცედურებია ქიმიური პილინგები, სამკურნალო ლაზერული პროცედურები და ე.წ. მიკრონიდლინგი. დერმატოლოგიის სფერო გადამწყვეტ როლს ასრულებს ადამიანის საერთო ჯანმრთელობის ხელშეწყობასა და ცხოვრების ხარისხის გაუმჯობესებაში.
ვინ არის დერმატოლოგი?
დერმატოლოგი არის სამედიცინო პროფესიონალი, რომელიც კანის დაავადებების ფართო სპექტრის მკურნალობაზეა პასუხისმგებელი.
იმისთვის, რომ დერმატოლოგთან ვიზიტი სწორად დავგეგმოთ, მნიშვნელოვანია გვქონდეს ზოგადი ინფორმაცია ჩვენი პრობლემის შესახებ. ასე ჩვენ შეგვეძლება ზუსტად იმ დაავადებაზე სპეციალიზებული ექიმი დერმატოლოგი შევარჩიოთ, რომელზეც ეჭვი გვაქვს.
კლინიკის საუკეთესო დერმატოლოგი დეტალურად გამოიკვლევს პაციენტის სამედიცინო ისტორიას და შესთავაზებს მასზე მაქსიმალურად მორგებულ მკურნალობის კურსს.
დერმატო-ვენეროლოგი
სამედიცინო სპეციალისტი, რომელიც პასუხისმგებელია როგორც კანის დაავადებების, ისე სქესობრივი გზით გადამდები ინფექციების დიაგნოსტირებაზე, მკურნალობასა და მართვაზე.
კლინიკა “კანში” არაერთი ცნობილი დერმატოლოგი საქმიანობს, რომელსაც მრავალწლიანი პრაქტიკა აქვს ამ სფეროში, როგორც საქართველოში, ასევე მის საზღვრებს გარეთ.
დერმატო-ვენეროლოგს შეგიძლიათ მიმართოთ ისეთი დაავადებების შემთხვევაში, როგორიცაა:
- ეგზემა
- ატოპიური დერმატიტი
- კანის სოკოვანი ინფექციები
- Ზომაში გაზრდილი ან ფორმაშეცვლილი ხალი
- აკნე
- ფსორიოზი
- ჰერპესი
- თმის ცვენა
- მეჭეჭები
- ვიტილიგო
ბავშვთა დერმატოლოგი
ექიმი, რომელიც სპეციალიზებულია ჩვილთა, ბავშვთა და მოზარდთა კანის, თმისა და ფრჩხილის მკურნალობაზე. ბავშვებს, განსაკუთრებით ჩვილებს, სპეციალური სამედიცინო საჭიროებები აქვთ, ბავშვთა დერმატოლოგი კი კვალიფიციურია ზუსტად ამ საჭიროებების გამოკვლევასა და მკურნალობაში.
ბავშვთა დერმატოლოგი ადგენს მკურნალობისს კურსს შემდეგ დაავადებებისთვის:
- აკვნის ქუდი
- დიათეზი
- საფენით გამოწვეული ძლიერი გამონაყარი
- საბავშვო აკნე
- ეგზემა
- მილია
დერმატო-ონკოლოგი
დერმატოლოგი, რომელიც პასუხისმგებლობას იღებს კანის კიბოსა და სხვა ავთვისებიანი სიმსივნეების დიაგნოსტირებაზე, მკურნალობასა და საჭიროების შემთხვევაში შესაბამის ქირურგიულ ჩარევაზე.
დერმატოლოგი ონკოლოგი განსაზღვრავს ხალის ონკოლოგიის რისკსაც.
ტრიქოლოგი
სამედიცინო სპეციალისტი, რომელიც სპეციალიზებულია თმისა და სკალპის დარღვევების შესწავლაზე, დიაგნოსტიკასა და მკურნალობაზე.
ის მეთვალყურეობს თმის ზრდის პროცესს და ამავდროულად პაციენტს საჭირო კონსულტაციას უწევს.
ტრიქოლოგის საქმიანობა მოიცავს ისეთი აუტოიმუნური დაავადებების მკურნალობაში მონაწილეობის მიღებასაც, როგორიცაა ალოპეცია.
დერმატოლოგიური სერვისი კლინიკა „კანში“
ჩვენთან დაგხვდებათ მრავალწლიანი გამოცდილების მქონე, საკუთარ სფეროში წარმატებული, არაერთი საუკეთესო დერმატოლოგი, რომელიც თქვენს საჭიროებებს ემპათიურად მიუდგება და მკურნალობის პროცესს მნიშვნელოვნად გაგიმარტივებთ.
კლინიკაში ხელმისაწვდომია შემდეგი დერმატოლოგიური სერვისები:
- დერმატო-ვენეროლოგის ზოგადი კონსულტაცია
- ხალის ონკოლოგიური რისკის განსაზღვრა გერმანული აპარატით
- თმის ცვენის მკურნალობა
- თმის გადანერგვა
- სხეულზე არსებული წარმონაქმნების მოშორება
- ფოტოთერაპიის სხივებით მკურნალობა
- სქესობრივად გადამდები დაავადებების მკურნალობა
იმისთვის, რომ კლინიკაში დერმატოლოგიური სერვისი მიიღოთ საჭიროა წინასწარ ჩაწერა სატელეფონო ზარის საშუალებით ან ვებ-გვერდზე “ვიზიტის დაჯავშნის” ღილაკის გამოყენებით.
დერმატოლოგიური სერვისი ხელმისაწვდომია თბილისში, ქუთაისსა და ბათუმში.
